Lempard: “Zədə olmasaydı, o, bütün qol rekordlarını qırardı”

“Çelsi”nin yarımmüdafiəçisi Frenk Lempard, mövsümün sonunda Maykl Ouenin karyerasını bitirəcəyinə münasibət bildirib. Futbolxeber.az xəbər verir ki, bir vaxtlar İngiltərə millisində çiyin-çiyinə oynadığı komanda yoldaşı haqqında xoş sözlər danışan Lempard belə deyib: “Onun fantastik karyerası var. Fəxr edirəm ki, Ouenlə birlikdə oynamışam. Fikrimcə o, İngiltərə futbol tarixinin ən yaxşı bombardirlərindən biridi. Mayklın karyerasının ən pik nöqtəsi 2001-ci ildə Münhendə Almaniya millisinə qarşı oyunda etdiyi het-trik və ya Fransada keçirilən DÇ-da (1998) Argentina yığmasına fantastik qol vurması idi. Ouen mənim üçün bir azarkeş kimi yaddaşımdan silinməyəcək qədər xüsusi yerə malikdi. Əgər zədələr imkan versəydi, o, minimum 100 oyuna bütün qol rekordları qırardı”.