Buffon: “Millinin heyətində 200 oyun keçirmək istəyirəm”

“Yuventus”un qapıçısı Canluici Buffon yaxın gələcəkdə millidəki karyerasını başa vurmaq fikrində deyil. Futbolxeber.az-ın məlumatına görə, təcrübəli qolkiper bu haqda deyib: “Millidə 150 oyun - bu, yaxşı göstəricidir. Lakin ümid edirəm ki, gələcəkdə də yüksəksəviyyəli oyun nümayiş etdirə biləcəyəm. Gələcəkdə yığmada 10, 20, ya da 30 oyun keçirə bilərəm. Amma məqsədim 200-ə çatmaqdır”.

Xatırladaq ki, Avro-2016-nın seçmə mərhələsi çərçivəsində bu gün Bolqarıstana qarşı keçiriləcək matç Buffonun yığmadakı 150-ci oyunu kimi tarixə düşəcək.