“5 ildir ki, KİV Peresin sifarişi ilə oğluma qarşı çirkin kampaniya aparır”

İker Kasilyasın atası Xose Luis “Real”ın hazırkı prezidenti Florentino Peresi tənqid edib. Futbolxeber.az-ın məlumatına görə, o, Peresin oğlunu heç vaxt sevmədiyini bildirib: “Lorenso Sans və Ramon Kalderon “Real”ın prezidenti olarkən onlar oğlumun qaydına qalırdılar. Lakin Peres heç vaxt İkeri bəyənməyib. Bunun səbəbi boydur. Peres daim ucaboy qapıçıları bəyənib. Bu səbəbdən də Florentino Peres həmişə Canluici Buffonu “Real”da görmək istəyib. Oğlum “Real”a görə çox şey qurban verib. Son 5 ildə mətbuat daim onu tənqid edib. Bu isə onun psixoloji durumuna təsir göstərib. Mətbuatda İkerə qarşı çirkin kampaniyanı da Peres aparıb. Onun sifarişi ilə 2010-cu ildən etibarən KİV daim oğlumu tənqid edib”.