"Bakıdakı oyun asan olmayacaq"

"İndidən dünya çempionatına vəsiqəni təmin etdiyimizi düşünmürəm. Çünki indi ən yaxın izləyicimizi cəmi 5 xal qabaqlayırıq ki, bu da kifayət deyil". Futbolxeber.az xəbər verir ki, bu sözləri dünya çempionatının seçmə mərhələsində milli komandamızla eyni qrupda yer alan Rusiya yığmasının baş məşqçisi Fabio Kapello deyib.

İtaliyalı mütəxəssis Bakıda millimizə qarşı keçirəcəkləri oyundan da söz açıb: "Biz cəmi 4 oyun keçirmişik. Qarşıda isə hələ daha 6 matçımız var. Əmin olun ki, Lüksemburqla belə, oyunun asan keçəcəyinə əmin deyiləm. Biz hələ Belfasta yollanmalı, yayda səfərdə Portuqaliya ilə qarşılaşmalıyıq. Daha sonra isə bizi Bakıda Azərbaycanla heç də asan olmayan oyun gözləyir. Sonda da evdə İsraillə qarşılaşacağıq. Bir sözlə, dünya çempionatına yollanmaq heç də asan olmayacaq. Portuqaliyadan 5 xal önə keçməyimiz yaxşı haldır. Lakin seçmə mərhələ tuniri uzun yoldu".