“Milan”ın canlı əfsanəsi 55 yaşını qeyd edir

Dünya futbolunun canlı əfsanəsi Franko Barezinin bu gün 55 yaşı tamam olur. Futbolxeber.az-ın məlumatına görə, veteran futbolçu 1960-cı ilin 8 mayında Breşiyada anadan olub.

12 yaşında “Milan”a üz tutan Barezi, 5 il aşağı yaş qrupu üzrə komandalarda forma geydikdən sonra 1977-ci ildə “qırmızı-qaralar”ın əsas heyətində debüt edib. 1997-ci ilə kimi komandasına sadiq qalan Barezi, “Milan”ın heyətində keçirdiyi 532 oyunda 16 qol vurub. 1982-1994-cü illərdə isə İtaliya millisinin heyətində 82 görüşdə meydana çıxıb və 2 dəfə fərqlənib.

Barezi 6 dəfə “Milan”ın heyətində Skudettonu, 4 dəfə İtaliya Superkubokunu, 3 dəfə Çempionlar Liqasını, 3 dəfə UEFA kubokunu, 2 dəfə Qitələrarası kubokunu, 2 dəfə də İtaliya kubokunu qazanıb. 1982-ci ildə “Skuadra Adzurra” ilə birgə dünya çempionluğunun sevincini yaşayan əfsanə, 1990-cı ildə mundialın bürünc, 4 il sonra isə gümüş medalına sahib çıxıb.

1989-cu ildə “Qızıl top”a sahib çıxan Barezi, 2002-2008-ci illər aralığında “Milan”ın aşağı yaş qrupu üzrə komandalarında məşqçi kimi çalışıb.