“Çelsi” Braziliya millisinin üzvünü transfer edir

“Atletiko Paranaense”nin yarımmüdafiəçisi Natan de Souza karyerasını “Çelsi”də davam etdirəcək. Futbolxeber.az-ın məlumatına görə, Braziliyanın gənclər millisinin üzvü olan 19 yaşlı futbolçu bu günlərdə Londona gələrək tibbi müayinədən keçib. Tezliklə “Çelsi”nin transferi rəsmən elan edəcəyi gözlənilir.

Qeyd edək ki, Natanın transferi “Çelsi”yə 4,5 milyon funt-sterlinqə başa gələcək. Gənc istedadla “Mançester Siti”, “Arsenal” və “Liverpul” da maraqlanırdı.