Mario Qomez: “Messi “Bavariya”ya gəlsə...”

Alman millisi və “Bavariya”nın məhsuldar hücumçularından biri Mario Qomez mətbuata maraqlı açıqlama verib. Futbolxeber.az xəbər verir ki, futbolçu son vaxtlar əsas heyətdə yer almaqda çətinlik çəkdiyi üçün komandadan gedəcəyi haqqında gəzən söz-söhbətlərə aydınlıq gətirib: “Mənim işim futbol oynamaqdı. Son söz “Bavariya”nındı. Klubda qalacağıma və ya satılıb-satılmayacağıma mən qərar verə bilmərəm. Klub da mənim heç bir yerə getməyəcəyimi açıqladığına görə bu barədə danışmaq istəmirəm. Əlbəttə, “Bavariya”da xoşbəxtəm. Əgər belə olmasaydı, klubla yeni müqavilə bağlamazdım. Qvardiolanın zamanında “Barsa” mənimlə maraqlanmışdı. Lakin, mən Münhendə qalmaq istədim. Qvardiolanın ilk işi planlarına uyğun komanda qurmaq olacaq. Və yalnız bundan sonra bu komandada Qomezə yer varmı, yoxmu ona qərar verəcək. Əlbəttə ki, Messi “Bavariya”ya gəlsə nəinki mənə, ümumiyyətlə heç bir hücumçuya ehtiyac olmaz".