Totti: “Yaxşı oyunu dəhşətli biabırçılığa çevirdilər”

“Roma”nın kapitanı Françesko Totti “A” seriyasının 6-cı turu çərçivəsində “Yuventus”a 2:3 hesabı ilə uduzduqları oyunu şərh edib. Futbolxeber.az-ın məlumatına görə, Totti rəqib haqda sərt fikirlər səsləndirib: “Yaxşı oyunu dəhşətli biabırçılığa çevirdilər. Biz Turinə öz oyunumuzu göstərmək üçün gəlmişdik. Lakin özünüz baş verənləri gördünüz. Bütün bunlar nəticəyə təsir etdi. İllər keçsə də, eyni hadisələr təkrarlanır. Hakim bizi məğlub etdi? Əminəm ki, bu gün bizi “Yuventus” məğlub etmədi. Çox məyusuq. Amma əla komandamız var və başımızı dik tutmalıyıq. Oyuna çox ciddi hazırlaşmışdıq. Belə çıxır ki, “Yuventus”un öz liqası olmalıdı. Onsuz da onlar öz həqiqətləri və yalanları ilə qalib gəlirlər. İtaliya futbolunda eyni problemlər yenidən baş qaldırır. Bunu tək mən demirəm. Bu sualı bütün İtaliya müzakirə edir. Şübhəli məqamlarda “Yuventus” daim penalti vurmaq hüququ qazanır”.