“Liverpul” “Bazel” önünə 2 itki ilə çıxacaq

Çempionlar Liqasının qrup mərhələsinin ikinci turu çərçivəsində səfərdə “Bazel”in qonağı olacaq “Liverpul” qarşıdakı matça 2 itkiylə çıxacaq. Futbolxeber.az-ın məlumatına görə, Daniel Starric və Mamadu Sako Bazeldəki matçda iştirak edə bilməyəcəklər.

Starric hələ İngiltərə millisinin düşərgəsində olarkən zədələnib. Onun “Bazel”lə matça kimi sıraya dönəcəyi gözlənilsə də, gənc forvardın zədəsi bərpa olunmayıb. Sakonu isə “Liverpul” rəhbərliyi cəzalandırıb. Belə ki, “Everton”la oyunda adının “18-liy”ə  düşmədiyini öyrənən futbolçu, stadionu özbaşına tərk etdiyindən 1 oyunluq cəzalanıb.