Neymar son 3 ildə ilk dəfə qol vurduğu oyunu uduzdu

Çempionlar Liqasının qrup mərhələsinin ikinci turunda “Barselona” səfərdə PSJ-yə 2:3 hesabı ilə uduzub. Futbolxeber.az-ın məlumatına görə, Kataloniya klubunun ikinci qolunu Neymar vurub. Matçın yekun nəticəsi isə Neymarın 3 illik seriyasının qırılması ilə başa çatıb. Belə ki, 2011-ci ilin oktyabrından etibarən Neymarın qol vurduğu oyunlarda onun komandası meydanı məğlub qismində tərk etmirdi. Sonuncu dəfə belə hal 2011-ci ildə yaşanmışdı. Həmin vaxt Neymarın qolu “Santos”u “Flamenqo” ilə oyunda yenilgidən xilas etməmişdi - 2:3.

Qeyd edək ki, geridə qalan 3 ildə Neymarın qol vurduğu oyunların 46-da onun komandası qələbə qazanmış, 9-da isə heç-heçə qeydə alınmışdı.