Batistuta: “Totti kimi futbolçu hər çempionatın bəzəyidir”

Argentina millisinin sabiq kapitanı Qabriel Batistuta keçmiş klubu “Fiorentina”nın “A” seriyasının beşinci turu çərçivəsində “Torino”ya qarşı keçirdiyi oyun (1:1) barədə danışıb. Futbolxeber.az-ın məlumatına görə, veteran futbolçu “Roma”nın kapitanı Françesko Totti haqda da fikirlərini açıqlayıb: “Yenidən Florensiyada olduğum üçün şadam. Bura hər zaman mənim evim olaraq qalacaq. “Torino” ilə oyunda “Fiorentina” 1 xaldan artığına layiq idi. Lakin indi mövsümün əvvəlidir. Narahatçılığa əsas görmürəm. O ki qaldı Tottiyə, ümid edirəm ki o, 40 yaşına kimi oynayacaq. Totti kimi futbolçu hər çempionatın bəzəyidir”.

Xatırladaq ki, Tottinin hazırda 38 yaşı var.