ÇSKA antirekorda imza atdı

ÇL-in qrup mərhələsinin ilk turunda Moskva ÇSKA-sı səfərdə “Roma”ya 1:5 hesabı ilə uduzub. Futbolxeber.az-ın məlumatına görə, bu yenilgi sayəsində “hərbçilər” antirekorda imza atıb. Belə ki, ÇSKA ilk dəfə olaraq avrokuboklarda ardıcıl 5 oyunda meydandan məğlubiyyətlə ayrılıb.

Qeyd edək ki, buna qədər ÇSKA ötən mövsüm ÇL-in qrup mərhələsində “Mançester Siti” (1:2, 2:5), “Bavariya” (1:3) və “Viktoriya Plzen”ə (1:2) uduzmuşdu. Komanda sonuncu dəfə 2013-cü il oktyabrın 2-də, “Viktoriya Plzen”ə qarşı baş tutan görüşdə (3:2) meydandan yenilgisiz ayrılıb.