7 qat Ukrayna çempionu qəzada dünyasını dəyişdi

Kiyev “Dinamo”sunun və Ukrayna millisinin sabiq üzvü Andrey Qusin faciəvi şəkildə dünyasını dəyişib. Futbolxeber.az-ın məlumatına görə, 41 yaşlı veteran futbolçu motosiklet qəzasında həyatını itirib. Qusin icazəsi olmadan motosikletlə “Çayka” avtodromuna daxil olub. Burada isə o, döngələrin birində idarəetməni itirərək, kənara “uçub”. Huşunu itirən Qusin daha sonra ayılmayıb.

Qeyd edək ki, uzun müddət Kiyev “Dinamo”sunda çıxış edən Qusin 7 qat Ukrayna çempionu, 4 qat kubokun qalibidir. 1999-cu ildə onun çıxış etdiyi Kiyev “Dinamo”su Çempionlar Liqasında yarımfinala kimi irəliləyib. 2007-ci ildə son olaraq çıxış etdiyi “Saturn”da məşqçiliyə başlayan Qusinin sonuncu iş yeri “Anji” olub.