Ştolters: “Azərbaycanda oynayanda bu fənddən yararlanırdım”

Latviya futbolunun canlı əfsanəsi, “Bakı”nın sabiq futbolçusu Andrey Ştolters ölkəmizdə çıxış etdiyi günləri xatırlayıb. Futbolxeber.az-ın məlumatına görə, 2005-2006 mövsümündə “Bakı”nın şərəfini qoruyan Ştolters Rusiya mətbuatına müsahibəsində deyib: “Vaxtı ilə Azərbaycanda oynamışam. Onların dili mənə çox maraqlı idi. İngiltərə ilə keçmiş SSRİ ölkələrinin futbolunda fərqlər çoxdur. Həm meydanda, həm də meydandan kənarda. Bəzən kimsə sənin qulağının dibində qışqıranda narahat olursan. Amma mən Azərbaycanda çıxış edərkən bu fənddən yararlanırdım. Tutaq ki, cinahdan asma edilir, mən də mübarizədən ayrılmaq arzusundayam. Bu halda “mənimdi”, ya da “mən” qışqıranda rəqibə mane oluram. Lakin bunu rəqibə hörmətsizlik kimi qəbul etməyin. Qaydalar bunu qadağa etmir”.