“Kasilyas robot deyil”

“Real”ın müdafiəçisi Serxio Ramos komanda yoldaşı İker Kasilyasa dəstək olub. Futbolxeber.az-ın məlumatına görə, təcrübəli müdafiəçi “Bazel”lə oyundan sonra Kasilyasın yerli fanatlar tərəfindən fitə basılmasına belə münasibət bildirib: “Bu, axmaq mübahisələrdi və mən bu haqda nə deyə bilərəm ki? Biz hər birimiz bir ailənin üzvüyük. Kasilyas qapısının toxunulmazlığına cavabdehdi. O, meydanın hər yerində ola bilməz. Kasilyas robot deyil. Bunu anlamaq lazımdı. Uduzmaq bizə də xoş deyil. İnsanların stadiondan evə pis əhval-ruhiyyədə yolunmasını biz də istəmirik. Amma azarkeşlər də futbolçuları anlamalıdırlar. İnanıram ki, bu qələbə komandamıza faydalı olacaq. Növbəti oyunlarda bunun ardını gətirəcəyik”.