“Dnepr”in baş məşqçisi: “İnter” qrupun favoridir, biz isə play-offa yüksəlmək istəyirik”

Avroliqanın qrup mərhələsində “Qarabağ”ın rəqibi olan “Dnepr”in baş məşqçisi Miron Markeviç sabah “İnter”ə qarşı keçiriləcək oyundan öncə bu gün juirnalistlərlə görüşüb. Futbolxeber.az-ın Ukrayna mətbuatına istinadən verdiyi məlumata görə, Markoviç “İnter”in qrup favoriti olduğunu gizlətməyib: “İnter” elə “İnter”di. İtaliya təmsilçisi çox ciddi rəqibdir. Heyətlərində çox güclü futbolçuları var. Əminəm ki, bu il onlar “A” seriyasında çempionluq uğrunda mübarizə aparacaqlar. Odur ki, “İnter” bu qrupun favoritidir. Bizim də məqsədimiz play-offa yüksəlməkdir. Turnir dekabra kimi davam edəcək. 6 oyun keçirəcəyik və məqsədimiz qrupdan çıxmaqdır”.