İlkay Gündoğan 13 aydan sonra meydana qayıdır

"Borussiya”nın yarımmüdafiəçisi İlkay Gündoğan zədəsi haqda danışıb. Futbolxeber.az-ın məlumatına görə, 23 yaşlı futbolçu oktyabrda yenidən meydana çıxa biləcəyini qeyd edib: “Heç nədən qorxmuram. Gələcəkdə də əvvəlki kimi təkbətək mübarizələrdən çəkinməyəcəyəm. Yenidən zədələnmək ehtimalı məni qorxuda bilməz. Məşqlərdə bütün gücümlə çalışıram. Amma optimal formamı hələ ki yığa bilməmişəm. Hesab edirəm ki, oktyabrın əvvəli hazır olacağam. Baş məşqçi şans versə, “Anderlext”lə görüşdə meydana çıxa bilərəm”.

Qeyd edək ki, 23 yaşlı futbolçu belindəki zədəyə görə 13 aydır meydandan kənarda qalıb.

Əlavə edək ki, ÇL-in qrup mərhələsinin ikinci turu çərçivəsində keçiriləcək “Anderlext” - “Borussiya” matçı oktyabrın 1-də baş tutacaq.