“Qəbələ”nin sabiq futbolçusu klub rəhbərləyini məhkəməlik edir

“Sportinq”in prezidenti Brunu de Karvalyo klubun üzvü Marat İzmaylovla ikinci dəfə müqavilə imzalamasından narazıdır. Futbolxeber.az-ın məlumatına görə, bu səbəbdən Karvalyo komandadaxili toplantıda əvvəlki klub rəhbərliyinin məhkəməyə verilməsini təklif edib.

Həmin sözləşməyə görə, “Sportinq”in sabiq prezidenti Qodinyu Lopes, vitse-prezident Luiş Duke, direktorlar şurasının üzvü Nobre Quedeş və idman direktoru Karluş Freytaş ədalət qarşısında cavab verə bilər.

Lissabon klubunun indiki rəhbərliyi hesab edir ki, 2011-ci ildə İzmaylovla imzalanan müqavilə kluba maddi baxımdan ciddi ziyan vurub. Çünki həmin vaxt sözləşmənin başa çatmasına hələ 2 il qalırdı. Müqaviləni daha sonra da uzatmaq olardı. Həmçinin İzmaylovun məvacibinin ildən ilə artırılması da rəhbərliyi qane etmir.

Xatırladaq ki, ötən mövsüm icarə əsasında “Qəbələ”də çıxış edən İzmaylov, indi də eyni statusla “Krasnodar”da forma geyir.