“Yuventus” üçün bəd xəbər

“Yuventus”un yarımmüdafiəçisi Arturo Vidal yenidən sıradan çıxıb. Futbolxeber.az-ın “Tuttosport”a istinadən verdiyi məlumata görə, çilili futbolçu milli komandanın düşərgəsində olarkən belindən xəsarət alıb. O, 3 həftə meydana çıxa bilməyəcək.

Bu müddətdə Vidal “Yuventus”un “Udineze”, “Milan”, “Çezena”, “Atalanta” və “Malmö”yə qarşı keçirəcəyi oyunları kənardan izləyəcək. Bundan başqa, onun “Atletiko” (1 oktyabr) və “Roma” (5 oktyabr) ilə görüşlərə qədər hazır olmamaq ehtimalı da var.