İnzagi: “Milan” ilk oyuna kimi 100 faiz hazır olacaq”

“Milan”ın baş məşqçisi Filippo İnzagi komandasının hazırlıq prosesini dəyərləndirib. Futbolxeber.az-ın məlumatına görə, SuperPippo “Milan”ın durumundan razı olduğunu qeyd edib: “Uğurlu məqam odur ki, zədələrdən qaça bildik. Halbuki komanda az məşq edib, çox oyun keçirəndə futbolçular bundan ziyan çəkirlər. Yaxşı ki, biz bu cür halla qarşılaşmadıq. Futbolçularımın gözündə qığılcım görürəm. Onlar döyüşə hazırdılar. Əminəm ki, “Milan” ilk oyuna kimi 100 faiz hazır olacaq. Klub rəhbərliyi heyətlə bağlı hansı fikirdə olduğumu bilir. Qalliani ilə bu barədə mütəmadi olaraq müzakirə aparırıq. Heyətimiz kifayət qədər güclüdür. Əgər, komandaya yeni futbolçu qoşulacaqsa, o, indikilərdən güclü olmalıdır. Amma bundan sonra heyətə yeni futbolçu cəlb etməsək belə, narazı qalmayacağam”.