Suaresin keçidi ən bahalı dördüncü transfer oldu

Luis Suaresin “Liverpul”dan “Barselona”ya keçidi futbol tarixinin ən bahalı 5 keçidi sırasında yer alıb. Futbolxeber.az-ın “Marca”ya istinadən verdiyi məlumata görə, uruqvaylı forvarda görə Kataloniya klubu 81 milyon avro xərcləyib. Bu isə ən bahalı dördüncü transferdir.

Dünyanın ən bahalı transferini də “Barselona” reallaşdırıb. Kataloniya klubu Neymara görə 111,7 milyon avro xərcləyib. “Real” isə Kriştinu Ronaldoya görə 96, Qaret Beyl üçün isə 91 milyon avro xərcə düşüb.

Qeyd edək ki, həm “Marca”, həm də AS nəşri Suaresin “Barselona”ya 81 milyon avroya başa gəldiyini yazıb. Kataloniya klubu isə keçidin dəqiq dəyərini gələn həftə açıqlayacağını bəyan edib.