“Zenit”in futbolçusu “Beşiktaş”da

“Beşiktaş” növbəti transferini reallaşdırmağa yaxındır. Futbolxeber.az-ın məlumatına görə, “Qara qartal” “Zenit”in yarımmüdafiəçisi Dannini heyətinə qatmaq üzrədir. 2 klub arasında aparılan danışıqlar müsbət yekunlaşıb. Keçiddən “Zenit” 4 milyon avro qazanacaq. 3 illik müqaviləyə imza atacaq Danninin özü isə İstanbulda ildə 2,5 milyon, eləcə də hər oyuna görə 15 min avro qazanacaq.   

İlk əvvəl “Beşiktaş” “Volfsburq”un yarımmüdafiəçisi Dieqonu heyətinə qatmaq istəsə də, keçid alınmayıb. Məhz bundan sonra İstanbul təmsilçisi diqqətini Danniyə yönəldib.

Xatırladaq ki, cari mövsümdə Danni “Zenit”in heyətində bütün turnirlərdə 15 qol vurub və 14 məhsuldar verib.