“Genqam”lı azarkeşlər finala traktorlarda gəldilər (FOTO)

Fransa kubokunun finalı çərçivəsində “Renn” və “Genqam” arasında baş tutan oyundan öncə ikincilərin fanatları maraqlı addım atıblar. Futbolxeber.az-ın məlumatına görə, “Genqam”lı azarkeşlər “fermerlər” ləqəbinin onlara əbəs yerə verilmədiyini sübut etmək istəyiblər. Bu səbəbdən də “Genqam”lı fanatlar Parisdə baş tutan həlledici qarşılaşmaya öz doğma şəhərlərindən traktorlarla gəliblər. Maraqlıdır ki, Genqamdan Parisə qədər olan yolu avtomobillə 4,5 saata qət etmək mümkündür. Məsafənin çoxluğu belə fanatları qorxutmayıb və onlar uzun yolu traktorla qət ediblər.  

Xatırladaq ki, final matçı “Genqam”ın 2:0 hesablı qələbəsi ilə başa çatıb.