“Real” 5-ci dəfə 100-ə, Ronaldo 4-cü dəfə 50-yə çatdı

“Real”ın hücumçusu Kriştianu Ronaldo dünən La Liqanın 36-cı turu çərçivəsində “Valensiya”ya qarşı baş tutan oyunun 90+2-ci dəqiqəsində vurduğu qolla komandasını yenilgidən xilas etdi. Futbolxeber.az-ın məlumatına görə, bununla da “Real”ın La Liqada cari mövsümdə vurduğu qolların sayı 100-ə çatdı. Madrid klubu ardıcıl 5-ci mövsümdür ki, mövsümü 100-dən aşağı qolla bitirmir.

“Valensiya” ilə matçda vurulan qol Ronaldonun cari mövsüm “Real”ın heyətində bütün turnirlər nəzərə alınmaqla 50-ci qolu (La Liqada 31, ÇL-də 16, İspaniya Kubokunda 3) oldu. Portuqaliyalı futbolçu bununla da ardıcıl dördüncü mövsüm “Kral klubu”nun heyətində 50 qol həddinə çatır.

Xatırladaq ki, 2010/11 mövsümündə Ronaldo 54, 2011/12 mövsümündə 60, ötən mövsüm isə 55 dəfə fərqlənib.