Yuri Syomin: “Namizədliyimin bu cür klubda müzakirə olunması xoşdur”

“Qəbələ”nin baş məşqçisi Yuri Syomin Moskva “Spartak”ının maraq dairəsində olması ilə bağlı yayılan xəbərlərə münasibət bildirib. Futbolxeber.az-ın məlumatına görə, 66 yaşlı mütəxəssis “Sport-Ekspress”ə verdiyi açıqlamada “Spartak”ı çalışdırması ilə bağlı konkret bir söz deməyib: “Namizədliyimin bu cür klubda müzakirə olunması xoşdur. “Spartak” xeyli sadiq azarkeşə malik və böyük vəzifələrin öhdəsindən gəlməyə qadir olan bir klubdur”.

Xatırladaq ki, daha əvvəl “Spartak”ın “Fulhem”in çalışdırcısı Feliks Maqat və ABŞ yığmasının baş məşqçisi Yurgen Klinasmanla danışıqlar apardığı barədə xəbərlər yayılmışdı.