Boksçumuz Dünya Kubokunun yarımfinalında

Azərbaycan boksçusu Sübhan Mamedov (50 kq) Qazaxıstanın paytaxtı Astanada keçirilən Dünya Kubokunda yarımfinala vəsiqə qazanıb.

Futbolxeber.az saytına bu barədə Azərbaycan Boks Federasiyasının mətbuat xidmətindən məlumat verilib.

O, 1/4 finalda Samet Gümüşlə (Türkiyə) qarşılaşmalı olsa da, rəqib döyüşə gəlməyib.

Nəticədə boksçu adını yarımfinala yazdırıb. O, bununla özü üçün ən azı bürünc medalı təmin edib.

Qeyd edək ki, 30 ölkədən 300-dək boksçunun qatıldığı Dünya Kubokunda 1/4 final mərhələsinin döyüşləri davam edir.