“Reyncers”ə daha bir Stenli kuboku qazanmaq üçün gəlmişəm”

Amerikalı hokkeyçi Patrik Keyn “Çikaqo”nu “Nyu-York Reyncers”ə dəyişməsi haqda danışıb.

Futbolxeber.az saytının məlumatına görə, 34 yaşlı hücumçu Nyu-York təmsilçisi ilə yenidən Stenli kubokunu qazanmağı hədəflədiyini bəyan edib:

“Son 16 ildə mənimlə birgə uzun yol qət edən komanda yoldaşlarıma, məşqçilərə, klub rəhbərliyinə minnətdaram. İlk gündən onların dəstəyini hiss etdim. Çikaqo hər zaman mənim evim olaraq qalacaq. Buranı başıuca tərk edirəm. Xatirələrim hər zaman mənimlə yaşayacaq. Mənim üçün də, ailəm üçün də emosional anlardı. Lakin düşünürəm ki, düzgün qərar qəbul etmişəm və bu addımım mənə daha bir Stenlu kuboku qazandıracaq”.

Qeyd edək ki, Keyn Stenli kubokunun 3 qat (2010, 2013, 2015) qalibdi.