Ceyran Əliyeva: “Asanlıqla qalib gəlmək olmur”

“Bu gün 3:1 hesabı ilə qalib gəldik. İlk iki setdə rahatlıqla qələbə qazandıq. Amma üçüncü hissədə öz səhvimizdən uduzduq”. Futbolxeber.az saytına açıqlamasında bu sözləri “Azəryol” klubunun üzvü Ceyran Əliyeva deyib.

Gənc voleybolçu CEV Kubokunun "Çelenc raundu"nun ilk oyununda İtaliyanın "Novara" klubunu 3:1 hesabı ilə məğlub etdikləri görüşü belə şərh edib: “Bu mərhələdə zəif rəqib yoxdu. Hansısa rəqibə asanlıqla qalib gəlmək olmur. Üçüncü setdə uduzsaq da, yekunda istəyimizə çatdıq”.

C. Əliyeva üçüncü setdə uduzmalarını arxayınçılıqla əlaqələndirib: “Arxayınçılıq oldu. 5-6 xal irəlidəydik. Lakin yekunda uduzduq. Komanda sanki dayandı. Arxayınçılıqdan başqa səbəb ola bilməz”

“Azəryol”un gənc üzvü səfərdə baş tutacaq cavab oyununda da söz açıb: “Səfərdə rəqib azarkeşlər önündə oynamaq çətindi. Amma bu mərhələyə qədər gəlmişiksə, deməli zəif deyilik. Çalışacağıq ki, səfər görüşündə də uğur qazanaq”.