“Azəryol”un baş məşqçisi: “Çalışacağıq ki, İtaliyada da qələbə qazanaq”

Qadın voleybolçulardan ibarət "Azəryol" klubu CEV Kubokunun "Çelenc raundu"nda ilk oyununda İtaliyanın "Novara" klubunu 3:1 hesabı ilə məğlub edib. Görüşdən sonra “Azəryol”un baş məşqçisi Ziya Rəcəbov Futbolxeber.az saytına açıqlamasında qələbəni belə şərh edib: “İtaliya demək olar ki, voleybolun vətənidi. Bu ölkənin klubları hər zaman iddialı olurlar. “Novara” da güclü rəqibdi. Elə buna görə də oyunumuz çətin alındı. Üçüncü setdə 5-6 xal öndə olsaq da, sonda partiyanı uduzduq. Bu, şanssızlıqdı. Amma sonda 3:1 hesablı qələbə qazandıq. Bundan sonra səfər oyununa hazırlaşacağıq. Qarşıdakı matç çox çətin keçəcək. Orada 2 setdə qələbə qazansaq, mərhələ adlayacağıq. Bununla belə, çalışacağıq ki, səfərdə də qalib gələk”.