“Bakı-2015”: Azərbaycan üzgüçüsü yarımfinalda 13-cü oldu

Bu gün Bakı-2015 Avropa Oyunlarında üzgüçülük yarışlarına start verilib. Futbolxeber.az-ın məlumatına görə, Bakı Su İdmanı Mərkəzində üzgüçülüyün 12 növü üzrə yarışlar keçirilir.

Bu gün 7 medal dəst sahibini tapacaq. Digər növlərdə isə ilkin mərhələdə qüvvəsini sınayacaqlar.

Üzgüçülük yarışlarında Azərbaycanı təmsil edən 9 idmançıdan 8-i bu gün fərdi yarışlarda çıxış edib. Onlardan 7-si mübarizəni ilkin mərhələdə dayandırıb. Artyom Yeltyakov yarımfinala yüksəlib. Yarımfinalda təmsilçimiz məsafəni daha tez qət etsə də, finişə çatan 15 idmançı arasında 13-cü olub. Bu da ona həlledici mərhələdə çıxış edəcək “8-liy”ə düşməyə imkan verməyib.

Bundan başqa, estafetdə çıxış edən yığmamız da finala vəsiqə əldə edə bilməyib (apasport.az).