“Bakı-2015”: “Azərbaycanda mənə olan səmimi münasibət istənilən medaldan daha böyük mükafatdır”

“Bakı-2015” ilk Avropa Oyunlarında stolüstü tennis yarışlarının qalibi olan portuqaliyalı Tyaqo Apoloniya Azərbaycan xalqına minnətdarlığını bildirən videosunu sosial şəbəkələrdə paylaşıb. Futbolxeber.az-ın məlumatına görə, bu videonu artıq bir sıra informasiya portalları da yayıb.

Yarışları başa çatdıraraq Bakıdan Portuqaliyaya qayıdarkən təyyarənin salonunda olan azərbaycanlıların onu alqışladığı səhnənin videosunu paylaşan portuqaliyalı idmançı deyir: “Məni Avropa Oyunlarında dəstəkləyən hər kəsə təşəkkür edirəm. Bu videodan da aydın göründüyü kimi, xüsusi təşəkkürümü Azərbaycan xalqına bildirirəm. Azərbaycanlılarda mənə olan səmimi münasibət istənilən medaldan daha böyük mükafatdır”.

Mənbə: azertag.az