“Bakı-2015”: Azərbaycan 14-cü qızıl medalını qazandı

Azərbaycan millisi Bakı-2015 Avropa Oyunlarında 14-cü qızıl medalını qazanıb. Futbolxeber.az-ın məlumatına görə, idman gimnastikasının paralel qollarda yarışında ölkəmizi təmsil edən Oleq Stepko rəqibləri üçün əlçatmaz olub. O, 15,770 xalla qızıl medala sahib çıxıb.

Qeyd edək ki, bu gün Stepko 3 medal qazanıb. O, gimnastika atı üzərində hərəkət yarışlarında gümüş, gimnastikanın dayaqla tullanma növündə isə bürünc medal qazanıb.

Buna qədər isə Stepko komanda yarışlarında bürünc, fərdi çoxnövçülükdə gümüş medal qazanıb. Bununla da onun “Bakı-2015”də qazandığı medalların sayı 5-ə çatıb.