"Bakı-2015": 3 boksçumuz 1/4 finala yüksəldi (Yenilənib)

Bakı-2015 Avropa Oyunlarında boks yarışları davam edir. Futbolxeber.az-ın məlumatına görə, bu gün 5 təmsilçimiz 1/8 mərhələsi çərçivəsində rinqə çıxacaq

Kişilər

56 kq

Bu çəkidə ölkəmizi təmsil edən Tayfur Əliyev 1/8 finalda rumın Nikolae Andreiana ilə üz-üzə gəlib. Rəqibini üstələyən Əliyev 1/4 finala adlayıb. Əliyev növbəti mərhələdə Danimarka idmançısı Fredrik Yensenlə üz-üzə gələcək.

81 kq

Avropa çempionu, Olimpiya oyunlarının bürünc mükafatçısı Teymur Məmmədov ardıcıl ikinci gün rinqə çıxacaq. Dünən 1/16 final mərhələsini uğurla adlayana boksçumuz, bu gün də eyni uğuru 1/8 finalda təkrarlayıb. Məmmədov polşalı Yordan Kulinskiyə qalib gəlməklə adını 1/4 finala yazdırıb. Məmmədov 1/4 finalda Peter Millenberqi sınağa çəkəcək. 

+91 kq

Olimpiya Oyunlarının bürünc mükafatçısı Məhəmmədrəsul Məcidov 1/8 finalda gürcü Mixail Baxtidzeni sınağa çəkib. Rəqibini çətinlik çəkmədən üstələyən Məcidov 1/4 finala adlayıb. Burada o, Ali Demirezenlə üz-üzə gələcək.

Qadınlar

51 kq

Bu çəkidəki təmsilçimiz Anaxanım Ağayeva 1/8 finalda polşalı Sandra Drabiklə üz-üzə gəlib. Görüş boksçumuzun məğlubiyyəti ilə başa çatıb. Ağayevə mübarizəni dayandırıb.

75 kq

Leyla Cavadovanın 1/8 finaldakı rəqbi isə rusiyalı Yaroslava Yakuşina olub. Cavadova da rəqibinə uduzaraq, "Bakı-2015"də mübarizəni dayandırıb.