Taekvondoçumuz: “Finalda revanş almağa çalışacağam”

“Dörddəbir final mərhələsində niderlandlı Yeroen Vanroiy ilə qarşılaşmam bir az çətin oldu, çünki ilk görüşüm idi, ancaq buna baxmayaraq qələbə qazandım. Yarışın yarımfinalında Olimpiya Oyunlarının iştirakçısı, dünya çempionatının mükafatçısı olan sloveniyalı İvan Konrad Trajkoviçlə döyüşdə isə böyük hesablı qələbəni bir az asan əldə etdim. İndi isə finaldayam və sonadək döyüşəcəyəm”. Futbolxeber.az-ın məlumatına görə, bu sözləri “Azərtac”a müsahibəsində “Baku Crystal Hall”da keçirilən kişilər arasında taekvondo yarışlarında final mərhələsinə yüksələn Azərbaycan təmsilçisi, dünya çempionu Radik İsayev (+80 kq) həlledici görüşdən əvvəl deyib.