“Bakı-2015”: “Qazandığım uğurda azərbaycanlı azarkeşlərin əməyi danılmazdır”

“Azarkeşlərin Türkiyə idmançılarına verdikləri dəstək inanılmazdır. Azərbaycan güləşçiləri ilə bizə heç bir fərq qoymurlar. Qazandığım uğurda onların payı çoxdur. özümü evdəki kimi hiss etdim”. Futbolxeber.az-ın məlumatına görə, bu sözləri “Azərtac” müsahibə verən ilk Avropa Oyunlarının bürünc medalçısı türkiyəli güləşçi Elif Jalə Yaşılırmaq deyib.

Qarşılaşdığı ən güclü rəqibin kim olduğu sualına cavab verərkən E. J. Yaşılırmaq qeyd edib ki, belə yüksək səviyyəli yarışa zəif idmançı gəlmir: “Odur ki, rəqiblərimin hamısı güclü idi”.

Hədəfinin qızıl medal olduğunu diqqətə çatdıran türkiyəli idmançı bu cür mötəbər yarışda bürünc mükafatçı olmağın da yaxşı nəticə olduğunu deyib: "Ölkəmə bu dəfə bürünc medal qazandıra bildim. Amma, gələcəkdə daha yaxşı nəticələr əldə edəcəyimdən əminəm”.