"Bakı-2015": Taekvandoçularımız 1 qızıl və 1 gümüş medal qazandı (Yenilənib)

Qadınlar

 

67 kq

 

Fəridə Əzizova ilk döyüşünü Yoyse Van Baarinə qarşı keçirib. Holland rəqibini üstələyən təmsilçimiz 1/4 finala adlayıb. Burada Əzizova Türkiyə idmançısı ilə qarşılaşıb. Güclü rəqibini 6:2 hesabı ilə məğlub edən Əzizova yarımfinal adlayıb. Bu mərhələdə o, isveçli Elin Yohanssonla üz-üzə gəlib və 5:2 hesablı qələbə qazanmaqla finala adlayıb. Həlledici qarşılaşmada Əzizova rusiyalı rəqibinə 5:6 hesabı ilə uduzaraq, gümüş medalla kifayətləib. 

 

Kişilər

 

80 kq

 

Ölkəmizi bu çəkidə təmsil edən Milad Beiqi Harçeqani ilk mərhələdə serbiyalı Damir Feyziçlə qarşılaşıb və rəqibini 12:0 hesabı ilə üstələyib. 1/4 finalda təmsilçimiz Böyük Britaniyadan olan rəqibi ilə qarşılaşıb. Ardıcıl ikinci qələbəsini qazanan Milad Beiqi Harçeqani yarımfinala yüksəlib. Finala yedən yolda idmançımız portuqaliyalı Julio Ferreiranı məğlub etməlidir. İdmançımız yarımfinalda da lazımı nəticəni qazanıb. Portuqaliyalı rəqibi üzərində qalib gələn taekvandoçumuz finala yüksəlib. Həlledici qarşılaşamada da qalib gələn idmançımız qızıl medala sahib çıxıb.