Basketbolçularımız amerikalılara qalib gəldilər

Qırğızıstanın Bişkek şəhərində keçirilən kişi basketbolçular arasında ənənəvi “Novruz” turnirinə start verilib. Futbolxeber.az xəbər verir ki, Azərbaycan milli komandası ardıcıl 3 dəfə (2010-2012) qalibi olduğu yarışa bu dəfə də qələbə ilə başlayıb. Yığmamız turnirin ilk matçında ABŞ-ın “AİA” klubu ilə qarşılaşıb. Baş məşqçi Elxan Əliyevin yetirmələri şimali amerikalılarla dueldə 95:94 hesabı ilə qalib gəlib. Qeyd edək ki, bu 2 komanda ilə yanaşı turnirdə Qazaxıstan və Qırğızıstan milliləri də mübarizə aparır. Dairəvi sistemlə mübarizə aparan komandalar sonradan yarımfinal və final matçlarında da qüvvəsini sınayacaq.