“Tour d’Azerbaidjan-2015”in ilk mərhələsi start götürdü

"Beynəlxalq Velosipedçilər İttifaqının (UCİ) 2.1 kateqoriyalı "Tour d’Azerbaïdjan-2015" veloturuna start verilib. Futbolxeber.az-ın məlumatına görə, Bayraq Meydanında əvvəlcə 24 ölkəni təmsil edən 25 komanda üzvlərinin təqdimatı keçirilib. Daha sonra isə Bakıdan Sumqayıta kimi davam edəcək ilk mərhələyə start verilib. Bu mərhələdə idmançılar 154 km məsafə qət edəcəklər.

Ölkəmizi yarışda təmsil edən "Synergy Baku" komandasının heyətində Elçin Əsədov, Maksim Averin, Samir Cəbrayılov, Matey Müqerli, Yannis Tamuridis və Aleksandr Surutkoviç yer alıb.

Qeyd edək ki, yarışın açılışını izləyənlər arasında veloturun Təşkilat Komitəsinin sədri, Azərbaycan Velosiped İdmanı Federasiyasının vitse-prezidenti Sahib Ələkbərov da olub.