“Əsəbimdən üzüm qızardı”

“Qələbə münasibəti ilə rəqibi təbrik edirəm. İki fərqli hissə izlədik. Birinci yarıdakı zəif oyunumuzun səbəbini bilmirəm”. Futbolxeber.az-ın məlumatına görə, bunu futzal üzrə milli komandamızın və “Araz”ın baş məşqçisi Tino Perez deyib.

İspan mütəxəssis ölkə çempionatının 18-ci turunda “Xəzər adaları”na 6:8 hesabı ilə uduzduqlarını oyunu belə şərh edib: “Fasilədən sonra komandam daha yaxşı oynadı. Hesabı bərabərləşdirməyə də müvəffəq olduq. Lakin bunun ardını gətirə bilmədik. Rəqibin heyəti genişdi. Biz isə ikinci yarıda yalnız 6 oyunçunun xidmətindən yararlandıq. “Xəzər adaları” güclü komandadır. Lakin birinci hissədə elə zəif oynamamalıydıq. Hətta əsəbimdən üzüm də qızardı”.