“Heç-heçənin bizə sərfəli olmaması işimizə yaradı”

Futzal üzrə Ukrayna millisinin baş məşqçisi Aleksandr Kosenko Avropa çempionatının əsas seçmə mərhələsi çərçivəsində yığmamızı 3:2 hesabı ilə üstələdikləri oyunu şərh edib. Futbolxeber.az-ın məlumatına görə, ukraynalı mütəxəssis yerli azarkeşlərin dəstəyinin möhtəşəm olduğunu vurğulayıb: “Oyun istər məzmun, istər mübarizə baxımından maraqlı alındı. Qələbə qazanmaq istəyirdik, bilirdik ki, heç-heçə bizi qane etmir. Azərbaycan millisinin möhtəşəm azarkeş dəstəyi vardı. Bununla belə, məqsədimizə çatdıq. Nə qədər təzadlı olsa da, heç-heçənin bizə sərfəli olmaması psixoloji baxımdan işimizə yaradı”.