“Bakı”nın yetirməsi Estoniyadan çıxa bilmir: "Vəziyyət ciddidir"

Ötən ay Estoniyanın "Trans Narva" klubu ilə müqavilə imzalayan azərbaycanlı futbolçu Nurlan Novruzov problemlə üzləşib.

Futbolxeber.az saytının məlumatına görə, 27 yaşlı hücumçu Facebook səhifəsində etdiyi paylaşımda qeyd edib ki, koronavirusa görə ölkədə vəziyyət ciddidir: "Məşqlər və oyunlar ləğv olunub. Məktəblər, hətta marketlər də bağlanıb. Ölkədən çıxışa icazə verilmir. Vəziyyət ciddidir. Allah hamıya kömək olsun".

Qeyd edək ki, "Bakı"nın yetirməsi olan Novruzov son olaraq Moldovanın "Dinamo-Avto" klubunda çıxış edib. O, 2014/2015 mövsümündə yetirməsi olduğu klubun heyətində Azərbaycan Premyer Liqasının bombardiri olub.