“Kəpəz”in ev oyununda mövsümün antirekordu

Topaz Premyer Liqasında mövsümün antirekordu qeydə alınıb. Futbolxeber.az-ın məlumatına görə, XXVII turun “Dalğa Arena”da keçirilən “Kəpəz” – “Turan” matçını cəmi 30 tamaşaçı izləyib. Bu da çempionatın 27 turunun ən aşağı göstəricisidir. Bunadək cəza üzündən azarkeşsiz keçirilən “Qarabağ” – “Qəbələ” matçını nəzərə almasaq mövsümün ən aşağı tamaşaçı sayı 50-yə bərabər idi. Bu da XXII turun “Kəpəz” – “Simurq” matçında gerçəkləşmişdi. Gəncə təmsilçisinin Bakıdakı son oyununda isə həmin antirekord yeniləndi.