Jade: “Bu cür səhvlərə yer vermək olmaz”

Futzal üzrə Avropa çempionatının əsas mərhələsində bu gün Azərbaycan millisi evdə Bosniya və Herseqovinanı 5:4 hesabı ilə məğlub edib. Futbolxeber.az-ın məlumatına görə, matçdan sonra açıqlama verən yığmamızın baş məşqçisi Biro Jade qələbəni belə şərh edib:

 

“Dörd gün ərzində 3 oyun keçirməliyik. Təcrübəli komandayıq, amma belə turnirlərdə bu cür səhvlərə yer vermək olmaz. Hesab 4:2 olarkən çox vacib qol imkanlarından yararlana bilmədik. Səhvlərimiz oldu. Lakin indi təhlil aparmaq üçün vaxtımız yoxdur. Qarşıda hələ 2 oyunumuz var. Düşünmürəm ki, bu gün göstərdiyimiz oyun komandamızın maksimum bacarığıdır. Futzalda mövcud olan tendensiya son dünya çempionatında alt-üst oldu. Bütün oyunlarda qələbə qazanmaq üçün var gücünlə mübarizə aparmalısan”.