Kadi Borges meydana qayıtdı

“Qarabağ”ın futbolçusu Kadi Borges uzun müddətdən sonra zədəsini sağaldıb.

Futbolxeber.az saytının məlumatına görə, braziliyalı futbolçu 3 aylıq fasilədən sonra bu gün “Turan Tovuz”a qarşı keçirilən matçın 84-cü dəqiqəsində meydana çıxıb. O, Marko Yankoviçi əvəzləyib.

Xatırladaq ki, futbolçu ötən ilin noyabrında UEFA Çempionlar Liqasının liqa mərhələsində Bakıda keçirilən “Qarabağ” - “Çelsi” matçında (2:2) zədələnmişdi. Braziliyalı yarımmüdafiəçi oyunun 31-ci dəqiqəsində əvəz olunmuşdu.

Qeyd edək ki, bu, Kadinin ötən ilin oktyabrında "İmişli"yə qarşı keçirilən matçdan sonra Premyer Liqada ilk qarşılaşması olub.