23 Fevral 2026, Bazar ertəsi
“Neftçi” Banişevskinin məzarı önündə
Berdıyevdən mini master-klass
Andrey Demçenkodan qələbə şərhi
"Araz-Naxçıvan”dan qələbə

Ölkə futbolu

Yankoviç “Qarabağ”dan ayrıla biləcəyinin mesajını verdi: “Hər şeyə geniş prizmadan baxıram”

“Mən hər şeyə geniş prizmadan baxıram. Klubun sistemi, baş məşqçinin ideyaları və futbolçu keyfiyyəti üst-üstə düşməlidir. Karyeramın ən yaxşı oyunlarını məhz “Qarabağ”da keçirdiyimə inanıram”.

Futbolxeber.az saytının məlumatına görə, bu sözləri "Qarabağ"ın futbolçusu Marko Yankoviç "Mozzart Sport" portalına açıqlamasında deyib.

Futbolçu bildirib ki, klub onu Monteneqro millisində çıxışları zamanı, xüsusilə Marko Veşoviçi izləyərkən tanıyıb. Yankoviç deyib ki, həmin vaxtdan “Qarabağ”ın ciddi sistemi və prinsipləri olan klub olduğunu bilib.

Monteneqrolu yarımmüdafiəçi baş məşqçisi Qurban Qurbanov haqqında isə yüksək fikirlər səsləndirib: “Onun haqqında kitab yazmaq olar. Ambisiyası, zəhmətkeşliyi və sistemli işi futbolçulara da keçir. ‘Qarabağ’ hər kəs üçün olan bir klub deyil, amma Qurban Qurbanovun oyun fəlsəfəsini qəbul edənlər nəticə qazanır”.

Nəşr yazıb ki, doğma şəhəri uzun müddət işğal altında olduğu üçün ev oyunlarını Bakıda keçirən “Qarabağ” Avropa matçlarında 30 mindən çox azarkeş toplayır. Yankoviç klubun son illər Avropada populyarlığının xeyli artdığını, lakin daxili çempionatda tribunaların daha boş olduğunu da vurğulayıb.

Marko Yankoviçin “Qarabağ”la müqaviləsi 2027-ci ilin yayına qədər qüvvədədir. Gələcəyi ilə bağlı danışarkən o, komandadan ayrıla biləcəyinin mesajını verib: “Ən uzun dövrü bu klubda keçirmişəm. Əgər yaxşı təklif olarsa, klubun mənə anlayışla yanaşmasını istərdim. “Qarabağ”dan qalib kimi ayrılmaq, yaddaşlarda uğurlarla qalmaq istəyirəm”.

Xatırladaq ki, 2022-ci ildən "Qarabağ"da çıxış edən Marko Yankoviçin başqa klublardan təkliflər alması ilə bağlı xəbərlər yayılıb (qol.az).








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Fevral 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28