1 Avqust 2025, Cümə
“Zirə” avrokuboklarla vidalaşdı
"Araz-Naxçıvan" III mərhələdə!
“Sumqayıt” yeni transfer reallaşdırdı
İbrahima Vadji "Turan Tovuz"da

Ölkə futbolu

Bəhlul Mustafazadə: “Bu heyətlə də Çempionlar Liqasının liqa mərhələsinə vəsiqə qazana bilərik”

“Qarabağ”ın müdafiəçisi Bəhlul Mustafazadənin Futbolxeber.az saytına müsahibəsi

 

- “Şelburn”u ikinci oyunda da məğlub etməklə Çempionlar Liqasında üçüncü təsnifat mərhələsinə yüksəldiniz. 1:0 hesablı qələbəni necə şərh edərdiniz?

- Rəqib fiziki cəhətdən kifayət qədər güclü komanda idi. Bununla belə, öz oyunumuzu göstərdik. Gərgin qarşılaşma alındı. Minimal hesabla da olsa, qalib gəldik.

- Sanki “Qarabağ” ağır görünürdü...

- İstinin də bir qədər təsiri var idi. Həm də unutmayaq ki, bu, mövsümdə yalnız ikinci rəsmi oyunumuz idi. İnanıram ki, növbəti matçlarda daha yaxşı təsir bağışlayacağıq. 

- Düşünmək olar ki, ilk matçdakı 3:0 hesablı qələbə cavab oyununda “Qarabağ”a rahatçılıq vermişdi?

- Bəlkə hesabın da təsiri ola bilər. Bununla belə, arxayınlaşmamışdıq. Rəqib geridönüş etməyə çalışırdı. Hiss olunurdu ki, ikinci matça yaxşı hazırlaşıblar.

- Qazonun vəziyyəti heç də yaxşı deyildi. İstilərin hələ bir müddət də davam edəcəyini nəzərə alsaq, bu amil texnikalı oyuna üstünlük verən “Qarabağ”a növbəti ev matçlarında problem yarada bilər?

- Haqlısınız, qazonun vəziyyəti əvvəlki dövrlə müqayisədə bir qədər pis idi. Lakin bu məsələdə edə biləcəyimiz bir şey yoxdur. Qazon ideal durumda olmasa da, əlimizdən gələni etməliyik.

- Çempionlar Liqasında üçüncü təsnifat mərhələsinə yüksəlməklə Konfrans Liqasının liqa mərhələsinə vəsiqəni təmin etdiniz. Lakin yəqin ki, qarşıya qoyulan hədəf bu deyil. Razısınız?

- Əlbəttə, hədəf bu deyil. Maksimum məqsədimiz Çempionlar Liqasının liqa mərhələsinə vəsiqə qazanmaqdır. Bunu çox istəyirik. Gələn oyunlarda da əlimizdən gələni edəcəyik ki, hədəfimizə çataq.  

- Hücumçu çatışmazlığını nəzərə alsaq, hazırkı heyətlə bu, nə dərəcədə realdır?

- Komandada yaxşı futbolçular cəmləşib. Potensialımız var. Düşünürəm ki, hər kəs öz üzərinə düşəni 100 faiz yerinə yetirsə, bu heyətlə də Çempionlar Liqasının liqa mərhələsinə vəsiqə qazana bilərik.  

Fərəc Aslanov








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31