Sami Mmaee: “Qarabağ” mənim üçün ən yaxşı variant idi”

“Qarabağ”ın müdafiəçisi Sami Mmaee “Şelburn”a qarşı keçirilən UEFA Çempionlar Liqasının ikinci təsnifat mərhələsinin cavab oyunundan (1:0) sonra jurnalistlərin suallarını cavablandırıb. Futbolxeber.az saytının əməkdaşının da iştirak etdiyi müsahibəni təqdim edirik:

- Oyun barədə fikirləriniz necədir?

- Topu özümüzdə saxladıq. Yaxşı oynadıq. Rəqibdən daha üstün idik və hər iki matçda da bunu sübut etdik. Hesabı açdıqdan sonra daha rahat oynadıq.

- Növbəti rəqib Şimali Makedoniya çempionu “Şkendiya”dır. Şansları necə dəyərləndirirsiniz?

- Rəqibə hörmətlə yanaşmalıyıq. Hər rəqib çətindir. Çempionlar Liqasında asan oyun olmur.

- “Qarabağ”a uyğunlaşa bilmisiniz? Adaptasiyanız necə keçir?

- Komanda ab hava yaxşıdır. Atmosfer gözəldir və hamı çalışır ki, kollektivə qoşulan yeni oyunçuya kömək etsim. Ona görə də adaptasiya dövrüm asan və tez keçdi.

- “Qarabağ”a gəlməmişdən öncə məsləhləşdiyiniz şəxslər oldu?

- Komanda haqda məlumatım var idi. Kadi və Zubirlə də söhbətlərim olmuşdu. Onları çox yaxşı tanıyıram. Zubir bildirdi ki, “Qarabağ” böyük komandadır, ambitsiyası var. Bu, mənim üçün ən yaxşı variant idi. “Qarabağ”da olmaqdan məmnunam.

- Daha əvvəl “Qarabağ”a qarşı rəqib qismində oynamısınız. Həmin kollektivlə indiki komanda arasında  hansı fərqlər var?

- Dəqiq fikir bildirmək çətindir. Çünki hər il komandalar dəyişir. Zaqreb “Dinamo”sunda, “Ferentsvaroş”da oynayanda da görmüşdüm ki, “Qarabağ”a keyfiyyətli komandadır. Yaxşı futbolçuları var.

İbrahim Cəfərov