“Qarabağ”ın rəqibi müəyyənləşdi

UEFA Çempionlar Liqasının üçüncü təsnifat mərhələsinə vəsiqə qazanan “Qarabağ”ın rəqibi müəyyənləşib.

Futbolxeber.az saytının məlumatına görə, Ağdam təmsilçisi Şimali Makedoniya çempionu “Şkendiya” ilə qarşılaşacaq.

Şimali Makedoniya təmsilçisi ikinci təsnifat mərhələsində Rumıniya çempionu FCSB-nı mübarizədən kənarlaşdırıb. Halbuki bu cütün favoriti rumınlar hesab olunurdular.

Makedoniya çempionu ilk matçda evdə 1:0 hesabı ilə məğlub etdiyi FCSB-yə səfərdə də qalib gəlib - 2:1.

Qeyd edək ki, üçüncü mərhələnin oyunları 5/6 və 12 avqust tarixlərində keçiriləcək. “Qarabağ”ın ilk matçı səfərdə olacaq.