Kaxaber Tsxadadze: "Bu məni narahat edir"

“Bizim üçün vacib oyun idi. Bu oyuna çox yaxşı köklənmişdik. Son turda “Neftçi”yə məğlub olduqdan sonra üzərimizdəki psixoloji yükü üstümüzdən götürməli idik". Futbolxeber.az-ın məlumatına görə, bu sözləri "Bakı" ilə oyundan sonra "İnter"in baş məşqçisi Kaxaber Tsxadadze deyib. Gürcü mütəxəssis qələbəyə layiq olduqlarını bildirib: "Hal-hazırda “Neftçi” ilə xal fərqimizi azaltdıq, onların “Qarabağ”la oyunu var. İkinci hissədə üstünlüyə yiyələndik, gözəl qollar vurduq. Bu gün qələbəyə layiq idik. “Bakı” ilə ikinci oyundur ki, əlavə vaxtda qol buraxırıq, bu məni narahat edir. Oyunda son dəqiqəyədək mübarizə aparmalıyıq. Əvəzetmələrdən oyuna daxil olan futbolçular etimadımı doğrultdu”.