Bandoviç: "Rəqibə “hədiyyə” verdik"

“9 oyundan sonra ilk məğlubiyyətmizi aldıq. “İnter” ilk dəqiqələrdən oyuna daha yaxşı köklənmişdi". Futbolxeber.az-ın məlumatına görə, bu sözləri "İnter"lə oyundan sonra "Bakı"nın baş məşqçisi Bojidar Bandoviç deyib.  Bandoviç bir neçə qol imkanları olduğunu qeyd edib: "İlk hissədə qapı dirəyindən dönən topları var idi. Bizim də bir neçə qol imkanımız var idi. Oyuna yaxşı köklənmədik, lakin ikinci hissəni daha yaxşı oynadıq. Son ötürmələrdə dəqiq olmadıq. İlk qolu vuran qələbə qazanacaqdı, biz rəqibə “hədiyyə” verdik. İkinci qoldan sonra oyun daha da çətinləşdi. Qarşıdakı oyunlara baxacağıq”.